En Mëttwoch Owend hunn ech mech mam Carmen getraff fir zesummen op d’Eröffnung vum neien Karen Millen Buttek an der Staat ze goen. Eng Designerin, der ech bis dohinner net wierklech Opmierksamkeet geschenkt hunn, well ech duecht d’Saachen wären net an menger Präisklass. Dëst ass natierlech och wouer fir een groussen Deel vun hiren Saachen, mee do waren der awer och puer déi ech mir, als Student, kéint leeschten (nodeem ech ganz e bëssen gespuert hätt).
D’Carmen an ech hunn eis de Buttek ugekuckt an mir hunn een klengt Gleeschen Schampes gedronk, ier mir no eiser Platz gesicht hunn fir d’Fashion Show ze kucken. D’Modelen hunn verschidden Saachen aus der neier Kollektioun virgestallt, déi een och direkt konnt kafen wann een Loscht hat. Gottseidank huet et net gereent, well den Catwalk war nämlech dobaussen, an am Moment ass dat jo sou eng Saach mam Weeder hei zu Lëtzebuerg. Mier sen no der Show nach ebessen dobliwwen, hunn intressant Leit kennegeléiert an haten een gudden Owend. Merci Janette, dass mir konnten un dëser Eröffnung deel huelen.
Find the new Karen Millen store at:
34, rue Notre Dame
L-2240 Luxembourg
No Comments